A Coruña: presentación de Fábula (sábado 8 de agosto, 20:30 hs, Feira do Libro)

Xavier Alcalá FábulaAmigas, amigos todos: mañá, día 8, ás 20:30, na Feira do Libro da Coruña imos presentar a 7ª edición de ‘Fabula’, novela que vía a luz nos tempos que conduciron ao aciago 23 F do 81.

Nela trátase de amor e odio, de guerra e posguerra, fascismo e liberdade, de política e negocios, de eleccións que uns gañan e outros perden. Nesa fábula hai un grande paralelismo co que hoxe acontece.

Para falarmos diso estaremos o autor, Xavier Alcalá, o director xeral da Editorial Galaxia, Víctor Freixanes, e dous comentaristas, Xulio López Valcárcel e Xoán Antón Pérez Lema.

Tati Mancebo será responsable de que nos cingamos ao obxectivo: abrirmos coloquio sobre o que puido ser e non foi, mais podería ser logo de 35 anos.

Vinde e participade: non hai nada máis real cás fábulas.

A Coruña: presentación de Fábula, este sábado 8 de agosto, ás 20:30 horas, na Feira do Libro

O Xavier Alcalá Fábulasábado 8 de agosto, ás 20:30 horas, dentro dos actos da Feira do Libro da Coruña, preséntase a reedición de Fábula, publicada na Editorial Galaxia.
No acto estarei acompañado por Tati Mancebo, Xoán Antón Pérez Lema, Xulio López Valcárcel e Víctor F. Freixanes.
A entrada é libre para o público interesado. Agardo vervos alí!!

Manel Cráneo prepara a Banda Deseñada de A nosa cinza

Xavier Alcalá, Alfredo Ferreiro e Manel Cráneo“Con máis de 100.000 exemplares vendidos e tres xeracións de galegos e galegas conquistadas dende o seu lanzamento en 1980, A nosa cinza é unha das obras máis populares da narrativa galega contemporánea. Xavier Alcalá volve a súa ollada aos días de escola, a unha adolescencia caracterizada polas inseguridades e medos, o espertar dos sentimentos amorosos e a descuberta do valor da amizade. Esta recreación dos tempos da posguerra a través das vivencias dun rapaz conquistará as xeracións vindeiras, tamén, cun novo formato, o da banda deseñada. Un equipo formado por Manel Cráneo, Alfredo Ferreiro e o propio Xavier Alcalá traballa xa na novela gráfica, que chegará ás librarías o próximo ano. (A fotografía é de Tati Mancebo).”

Desde a Editorial Galaxia, 16/07/2015.

Publicación por entregas de Tertúlia revisitada, desde o 4 de febreiro, en Palavra Comum e Praza Pública

EditadaPortada Tertúlia Revisitada en formato dixital por Algueirada, a partir do día 4 de febreiro publícase por entregas Tertúlia revisitada, de Xavier Alcalá, en Praza Pública e Palavra Comum.

Tertúlia foi unha novela anatematizada polo establishment da Galicia de hai 30 anos. A súa única edición, de 3.500 exemplares, vendeuse axiña, mais o editor (Sotelo Blanco) foi duramente presionado para non reeditar o libro. Devolveulle os dereitos ao autor. O autor fartouse de críticas perversas (en paralelo con loanzas sinceras) e decidiu deixar pasar o tempo.

Con Tertúlia ocorrera un fenómeno propio da fantasía literaria: a novela trataba o caso dun autor que supostamente fai un plaxio e manda o texto a un concurso coidando que a ignorancia literaria do xurado non vai detectar tal condición espuria. Enviada na realidade ao Blanco-Amor de narrativa longa, sendo a obra elixida para gañar, comezaron as manobras da Irreal Academia do Impaís (tamén chamada Real Academia Galega) para conseguir un voto en contra. O representante das “vacas sagradas” batallou ante o xurado con dous argumentos: a mofa á institución e a posibilidade de que a “novela interior” do texto fose un plaxio. Logo de publicado o libro, o membro do xurado que cedera ante a Academia pediu perdón ao autor pola fraqueza de terse deixado manexar.

Todo isto e moito máis cóntase en Tertúlia revisitada. Esta revisión contén unha nova novela interior, O Abrigo do Sol, que non coincide máis que en parte do seu tema básico coa novela interior de Tertúlia: a ben coñecida e reeditada Cárcere verde (versión galega) e Contra el viento (versión castelá).

A profesora Fina Roca Díaz fixo un estudo comparativo de Tertúlia-Cárcere verde fronte a Tertúlia revisitada-O Abrigo do Sol que se ofrecerá coa edición en formato dixital. Roca é a máis teimuda defensora de Tertúlia, grande coñecedora do ambiente en que se xerou o primeiro libro e, por razóns profesionais, seguidora dos aconteceres no sistema literario galego dos últimos 30 anos.

Hoxe na Feira do libro da Coruña

Tati Mancebo, Vicente Araguas e Víctor F. Freixanes acompañarán a Xavier Alcalá na presentación da súa última novela, Verde oliva, a historia dunha axente secreta galega durante a revolución cubana.

A heroína de Verde oliva puido nacer en Cuba e criarse alí, desde sempre no ambiente que conduciría á rebelión contra Batista, mais, por cousa dos azares da vida, veu ao mundo nunha aldea da Mariña luguesa o 20 de xullo de 1936. Así e todo, aos catorce anos desembarcaba no porto da Habana. Co mester do narrador experto, Xavier Alcalá conta a historia desta loitadora pola liberdade que, educada nun mundo burgués, intervén na guerra secreta desenvolvida durante a revolución cubana.

Velaquí podedes ler as primeiras páxinas do libro. [Vía Editorial Galaxia]

La Habana, 10 de marzo de 1952, golpe de estado de Batista. Mariana, hija de gallego «habanero» y criolla, se integra en una red secreta de agentes encargados de destruir al «batistato» e interviene en peligrosas misiones arriesgando su vida: La guerra secreta durante la revolución cubana.
Mariana llega a La Habana e inmersa en los ámbitos de ciudad avanzada, recibe buena educación y participa del lujo de quienes se permiten vivir en Tarará.
Su padre, republicano en España y ortodoxo en Cuba, es amigo de personajes como Eduardo Chibás Rivas o Raúl Roa, y la imbuye de ideas democráticas que chocan con la dictadura de Batista. Esto, junto al ambiente de su colegio y de la academia de periodismo a la que asiste, la llevan a participar en el Movimiento 26J.
Esta es la historia, narrada en primera persona, de una inmigrante burguesa que se convierte en agente del 26J y actúa en arriesgadas misiones, a la que no se le ha perdido nada en una guerra civil tan cruel como la que hubo en Cuba.
[Vía Nowtilus]

Retomando o meu sitio na arañeira mundial

Ola a todos os que navegades pola arañeira poboada de servidores: logo dun longo período de ausencia e tras certos arranxos telemáticos, volvo a vós cos meus soños e as miñas teimas.
Alén dos artigos que aquí publique, seguirei a publicar desde Twitter (@xavier_alcala) e desde Facebook (www.facebook.com/xalcalan).
Agora ando enguedellado coa publicación, en galego e en castelán de ‘Verde oliva’, e coa súa tradución ao inglés. É unha novela que conta a vida dunha axente secreta galega durante a revolución cubana. Vou crear un apartado con documentación do ‘making of’ do libro que vos ofrecerei desde este sitio. Adianto unha foto de rebelde cubano vestidos de uniforme verde oliva (cor que tedes que adiviñar pois a foto é de tempos en branco e negro)
Agradézovos por adiantado a vosa atención e as vosas críticas, que estamos no mundo para recibilas. Unha aperta colectiva.